ஆழ்துளைக் கிணற்றில் விழுந்த மூன்று வயது சிறுமி இரண்டு நாளும் முயற்சி தோல்வி..

ராஜஸ்தான் மாநிலத்தில் 700 அடி ஆழமுள்ள ஆழ்துளைக் கிணற்றில் விழுந்த மூன்று வயது சிறுமி சேத்னா, விழுந்து இரண்டு நாட்களுக்குப் பிறகும் மீட்புப் பணி இன்னும் தொடர்கிறது. முதலில், அவளை மீட்க 10 அடி கொண்ட 15 இரும்பு கம்பிகள் ஒன்றன் பின் ஒன்றாக வைக்கப்பட்டன. ஆனால் அந்த முயற்சி தோல்வியில் முடிந்தது.

மீட்புக் குழுவின் ஆரம்பத் திட்டங்கள் தோல்வியடைந்ததை அடுத்து, சிறுமியை மீட்க பைலிங் இயந்திரங்களைப் பயன்படுத்தவும், எலி சுரங்க தொழில்நுட்பத்தைப் பயன்படுத்தி குழி தோண்டவும் அதிகாரிகள் முடிவு செய்தனர்.

இதையும் படியுங்கள் : கஜகஸ்தானில் 110 பேருடன் சென்ற ரஷ்ய விமானம் விபத்து.

சிறுமியை மீட்பதற்காக மீட்புக் குழுவினர் முன்பு பைலிங் இயந்திரம் கேட்டதாக அப்பகுதி மக்கள் குற்றம் சாட்டினர்.

இதுகுறித்து சேத்னாவின் தந்தை கூறுகையில், “எப்போது மீட்கப்படுவார் என்பது குறித்து மாவட்ட நிர்வாகம் எந்த தகவலும் தெரிவிக்கவில்லை. டூடு, மானேசரில் இருந்து கொண்டு வரப்பட்ட பைலிங் மிஷின்கள் கோட்புலிக்கு வர இன்னும் இரண்டு நாட்கள் ஆகும் என்கிறார்கள்.

சிறுமியை மீட்க மீட்புப் பணியாளர்கள் அனைத்து முயற்சிகளையும் மேற்கொண்டு வருவதாக கோட்புட்லி-பெஹ்ரூர் கூடுதல் மாவட்ட மாஜிஸ்திரேட் ஓம்பிரகாஷ் தெரிவித்தார்.