அண்ணா பல்கலைக்கழகத்தில் மாணவி பாலியல் வன்கொடுமை அதிமுக ஆட்சியில் கடமையைச் செய்யத் தவறியதால்தான் இன்று இதுபோன்ற சம்பவம் நடந்துள்ளது - கனிமொழி

சென்னை அண்ணா பல்கலைக்கழகத்தில் மாணவி பாலியல் வன்கொடுமைக்கு ஆளான சம்பவம் எதிர்க்கட்சிகள் உட்பட பலரையும் அதிர்ச்சியில் ஆழ்த்தியுள்ளதுடன், திமுக அரசை கண்டித்து பலரும் போராட்டம் நடத்தி வருகின்றனர்.

இந்நிலையில், அண்ணா பல்கலைக்கழகத்தில் படிக்கும் மாணவிகளுக்கு போதிய பாதுகாப்பு இல்லை என பெற்றோர்கள் அச்சத்தில் இருப்பதாக அதிமுக பொதுச்செயலாளர் எடப்பாடி பழனிசாமி கூறியுள்ள குற்றச்சாட்டுக்கு தூத்துக்குடி எம்பியும், முதல்வர் ஸ்டாலினின் சகோதரியுமான கனிமொழி பதிலளித்துள்ளார்.

தூத்துக்குடியில் செய்தியாளர்களிடம் பேசிய அவர், இது போன்ற சம்பவங்கள் நடக்க கூடாது என அனைவரும் விரும்புகின்றனர்.அண்ணா பல்கலை மாணவர் வழக்கில், பாரபட்சமின்றி குற்றவாளி மீது நடவடிக்கை எடுக்க முதல்வர் உத்தரவிட்டுள்ளார்.அதன்படி குற்றவாளியை கைது செய்து நடவடிக்கை எடுக்கப்பட்டுள்ளது. .

சில ஆண்டுகளுக்கு முன்பு அதிமுக ஆட்சியில் அவர் மீது குற்றம் நடந்தது. அதிமுக ஆட்சியில் எப்ஐஆர் மறைக்கப்பட்டது. குற்றவாளி பாலியல் தொல்லை கொடுத்தது மட்டுமின்றி, செயினையும் பறித்து சென்றுள்ளார். ஆனால் அது செயின் பறிப்பு வழக்காக மட்டுமே பதிவு செய்யப்பட்டது. அதே நாளில் குற்றவாளிக்கு சரியான தண்டனை வழங்கப்பட்டிருந்தால், குறைந்தபட்சம் ஒரு கண்காணிப்பாவது இருந்திருக்கும்.

அன்று தங்கள் கடமையைச் செய்யத் தவறியதால்தான் இன்று இதுபோன்ற சம்பவம் நடந்துள்ளது. இந்தியாவிலேயே பெண்கள் அதிகம் படிக்கக்கூடிய தமிழகத்தை பார்த்து எல்லா பெற்றோர்களும் பயப்படுகிறார்கள் என்ற தவறான கருத்தை நீங்கள் பரப்பும்போது, அது பெண்களின் கல்வியையும் எதிர்காலத்தையும் பாதிக்கிறது என்பதை கருத்தில் கொள்ள வேண்டும்.

பெண்களின் உரிமைக்காகவும், பெண்களின் கல்விக்காகவும், அவர்களின் உரிமைகளை உயர்த்துவதற்காகவும் முதலமைச்சரும், தி.மு.க.வும் தொடர்ந்து பாடுபட்டு வருகின்றனர். முதல்வரும், அரசும் பெண்கள் மீது மிகுந்த அக்கறை கொண்டுள்ளனர். அதனால்தான் உடனடி நடவடிக்கை எடுக்கப்பட்டுள்ளது.