அல்லு அர்ஜுனுக்கு 14 நாட்கள் சிறை: நீதிமன்றம் அதிரடி! அல்லு அர்ஜுன்

நடிகர் அல்லு அர்ஜுன் ஏன் கைது செய்யப்பட்டார்? ஏன் 14 நாட்கள் நீதிமன்ற காவலில் வைக்கப்பட்டுள்ளார் என்று பார்ப்போம்.

அல்லு அர்ஜுன் பட சர்ச்சை:

அல்லு அர்ஜுன் நடித்துள்ள புஷ்பா 2 திரைப்படம் டிசம்பர் 5ஆம் தேதி வெளியானது. தமிழ், இந்தி, தெலுங்கு, கன்னடம் ஆகிய மொழிகளில் இப்படம் நல்ல வரவேற்பைப் பெற்றது.

ஹைதராபாத்தில் உள்ள சந்தியா திரையரங்கில் புஷ்பா 2 படத்தின் சிறப்பு காட்சியின் போது அல்லு அர்ஜுன் திடீர் விஜயம் செய்தார்.

அப்போது அல்லு அர்ஜுனை பார்க்க ரசிகர்கள் வந்திருந்ததாக கூறப்படுகிறது. அப்போது ஏற்பட்ட நெரிசலில் சிக்கி 39 வயதுடைய ரேவதி என்ற பெண்ணும், அவரது 9 வயது மகனும் உயிரிழந்தனர். பரிதாபமாக உயிரிழந்த ரேவதியின் மகனுக்கு மருத்துவமனையில் தீவிர சிகிச்சை அளிக்கப்பட்டு வருகிறது.

அல்லு அர்ஜுன் தனது வருத்தத்தை தெரிவித்துள்ளார்.

சம்பவம் நடந்த இரண்டு நாட்களுக்குப் பிறகு அல்லு அர்ஜுன் வீடியோ மூலம் தனது வருத்தத்தை வெளிப்படுத்தினார். இறந்தவர்களின் குடும்பத்திற்கு தலா 25 லட்சம் ரூபாய் வழங்குவதாக கூறினார். துயரத்தில் இருக்கும் குடும்பத்தினருக்கு எந்த உதவியும் செய்ய எங்கள் குழு தயாராக உள்ளது என்று தெரிவிக்கப்பட்டது.

14 நாள் நீதிமன்ற காவல்:

கூட்ட நெரிசலில் சிக்கி பெண் உயிரிழந்ததை தொடர்ந்து அல்லு அர்ஜுன் மீது ஐதராபாத் போலீசார் ஏற்கனவே வழக்கு பதிவு செய்தனர். இந்த வழக்கின் விசாரணைக்காக அல்லு அர்ஜுனை போலீசார் இன்று கைது செய்தனர். போதிய பாதுகாப்பு ஏற்பாடுகள் இல்லாமல் அல்லு அர்ஜுன் திரையரங்கிற்கு வந்ததாக குற்றம் சாட்டப்பட்டது.

இதைத் தொடர்ந்து அல்லு அர்ஜுனை 14 நாள் நீதிமன்ற காவலில் வைக்க ஹைதராபாத் நாம்பள்ளி நீதிமன்றம் உத்தரவிட்டுள்ளது

சோகத்தில் ரசிகர்கள்:

புஷ்பா 2 திரைப்படம் ஆறு நாட்களில் ஆயிரம் கோடி வசூல் செய்து இந்திய சினிமாவில் சாதனை படைத்துள்ளது. இந்த வெற்றியை புஷ்பா 2 படக்குழுவினர் மற்றும் ரசிகர்கள் கொண்டாடி வருகின்றனர். புஷ்பா 2 படத்தின் வெற்றி விழா டெல்லியில் நேற்று நடைபெற்றது.

இந்நிலையில் அல்லு அர்ஜுன் கைது செய்யப்பட்டு 14 நாட்கள் காவலில் வைக்கப்பட்டிருப்பது ரூ.100 கோடியை கொண்டாடி வந்த ரசிகர்களுக்கு சோகத்தை ஏற்படுத்தியுள்ளது. 1000 கோடி வசூல் ஒருபுறம்.